.jpeg&description=PANUNGGULION){kind=link}
PANUNGGULION
Turtu ninna anduhur, tio ninna lote.
Tung pe lam tahilala angka hamajuon i,
tongtong ma hita marhaporseaon,
jala sai tong horas hita sude.
.jpeg)
Horas
ma di hita saluhutna!
Asi
ni roha dohot dame na sian Debata Ama dohot sian Tuhanta Jesus Kristus nang
Tondi Porbadia i ma mandongani hamu damang dainang raphon angka dongan situan
panjaha na hinaholongan.
Situan Panjaha na hinaholongan jala na hinormatan! Di masa saonari on, tangkas do taboto jala tahilala do, boha panghorhon ni hamajuon ni teknologi manang sitalpas halinu tu dirinta ganup marsadasada nang pe tu ngolu hamasarakatonta dohot parsaoranta. Di edisi September-Oktober 2026 on, diparade Parbarita do pangarimangion na ginurithon ni susterta taringot haulion ni jolma na tinompa ni Debata. Di siguriton on tarimangi ulinai hape hita saluhutna ditompa Tuhan i.
Angkup tusi, di edisi sahali on tapabagasbagas ma taringot sahalak nabadia na margoar Nabadia Fransiskus sian Asisi na mangolu 800 taon naung salpu. Tung pe nunga 800 taon alai ianggo haporseaonna dohot tiruan ni ngoluna tongtong do mangolu rasirasa sadarion. Siala ni i do, Hurianta marhite joujou ni Amanta Paus pamasahon taon on songon Taon Jubileum Fransiskan.
Mauliate
ma di hita saluhutna,
Horas!
Redaksi