Horas
Frater! Aha do lapatan ni “Sakramen Inisiasi”. Songon na asing begeon di
sipareon hata “inisiasi” on.
Inisiasi Kristen i ma ruas ni ngolu na
ingkon siboluson asa gabe sahalak Kristen na gok. Ditanda do sakramen on gabe Sakramen
na Ummangat (Sakramen Pokok). Di hasomalan ni Hurianta digombarhon do i,
dibagasan opat ombas: Pra-katekumenat, Katekumenat, Pangaradeon
na parpudi, dohot pabagashon (mistagogi). Ingkon do dibolus opat omba on asa boi
dapotan tolu sakramen i. Na ginoaran Sakramen Inisiasi i ma Pandidion,
Krisma dohot Ekaristi.
Marhite Pandidion dipasada ma jolma i
dohot Kristus jala gabe ruas Harajaon ni Debata; dipalua ma jolma i sian
ihotihot ni hagolapon; rap mate dohot Kristus huhut patoguhon haporseaonna.
Jala dibagasan Ekaristi Nabadia, raphon sude ruas ni Debata, dipestahon do
sitaonon, hamamate ni Tuhan i huhut manganhon daging dohot manginum mudar ni
Kristus.