Horas ma di hita saluhutna!
Tubu ma hariara
Di tongatonga ni huta
Tuhanta Jesus Kristus nunga hehe
Mamboan dame na tiur tu hita
Selamat Paska ma di hita!
Asi ni roha dohot dame sian Debata Amanta dohot sian Tuhan Jesus Kristus ma di hamu damang dainang dohot sude dongan situan panjaha na hinaholongan.
Situan Panjaha na hinaholongan jala na hinormatan! Marhitehon Paska ni Kristus, monang do hita gabe salahak Kristen. Ndang partalutalu hita. Marsigorgor do haporseaonta jala lam marhaposan do hita. Marlas ni roha do hita umbahen naung ditobus. Siala ni i didok do hita gabe bangso na tartobus. Di tingki Paska, dipaimbaru do panghirimon ni rohanta, disarsari nasa hagogoon ni dosa. Dipauli do hasiangan naung sanga gurgar tarlumobi di masa parporangan saonari on. Sai anggiat ma, marhite hahomion Paska on, lam barani hita mamorsan silang jala margogo hita laho pataluhon dosa dohot ihoihot na pataluhon hajolmaon. Nunga monang be hita, ndang porlu be hita pataluhon donganta!
Angka dongan Situan Panjaha! Raphon edisi Parbarita sahali on, disosoi do hita asa lam paimbaruhon diri di tingki na gok halalas ni roha on. Marhite pangarimangion na pinarade ni Amanta Pastor Benny Manurung dohot angka bilut jamita, jala horom na asing di edisi on, mangurupi hita laho mangarimangrimangi hamonanganta. Angkup ni i dipatupa Parbarita do dohot angka siguriton na asing.
Horas, jala Selamat Paska ma di hita!
Redaksi
Posting Komentar